Press Releases

13rd November 2013

PRESS RELEASE Dt 13th November 2013 :             Pi Esther Lalruatkimi Secretary, Health & Family Welfare Department kaihhruainain Tuibur Factory in harsatna a thlen hrang hrangte ngaihtuahin meeting neih a ni. Meetingah hian tuibur factory awmna hrang hrangte leh lui tui mai bakah boruak thlenga harsatna a siam nasat thu ngaihthlak a ni a. A bik takin heng tuibur factory te zingah mihring khawsakna hnai taka awm ten harsatna an siam nasat zia tarlan a ni a, chungzingah chuan School naupang tamtak bakah chhungkaw engemaw zahin an tawrh thu te tarlan tel niin., sikul naupangte pawhin school kal hrehawm an tih phahna hial leh zirtirtute pawh an hrisel loh phah dan te pawh sawi zui a ni. Tuibur Factory hi hriat theih chinah Aizawl leh a chhehvelah hmun 13 awmin, heng hmun hrang hrang ITI, World Bank Road thlang, Salem leh Republic inrina leh Theihai Lui Arm Vengah te an ni.             Tuibur Factory hnaia khawsa ten thawk lamah te leh an taksaah harsatna hrang hrang an tawrh nasat zia te tarlan niin, tuibur factory atanga boruak thianghlim lo rimchhe tak chhuakin tukverh pawh hawn ngam lo khawpah a bul vela khawsa ten an tawrh thin thu pawh sawi tel a ni. Hemi anih avang hian kawng hrang hrangin heng tuibur factory te hi mihring chenna/ khawsakna atanga hla thei ang berah engtinnge sawn an nih theih ang tih ngaihtuah nghal a ni. Mizoram Pollution Control Board lamah pawh Complaint tam tak lut tawhin Tuibur Factory thenkhat te hi insawn tur pawha hriattir tawh niin Tuibur Factory te erawh an la in sawn  lem lo a ni. Hemi anih vang hian ngun taka ngaihtuah a ni a, a tuibur hrim hrimin mihring hriselna a khawihchhiat bakah a thlawrna hmun Factory ten tui leh boruakah mihringte tan harsatna nasa tak an siam hi buaipui tham a lo tling chho ta a, a hmuam ve miah lo sikul naupang leh mi dang tam takin an tawrhna hi enliam mai mai theih niin committee chuan a hre lo a, chak tak a hmalak tum chhoh zel a ni. Hemi kawngah hian Committee chuan mipuite thawhpuina a ngen tak meuh meuh bawk a ni.            

Childrens Day 2013

National Children’s Day - 2013               Mizoram State Tobacco Control Society leh Brighter Higher Secondary School te bul tumin National Children’s Day – 14th November 2013 chu Brighter Higher Secondary School, Upper Republic vengah hman a ni. He hun hi Pu Hrangkunga, Vice Principal, Brighter Higher Secondary School chuan a kaihruai a, kum 2013 National Children’s Day thupui chu ‘Save the futures of the children’ anih angin zirlai naupangte pualin; an taksa tana tha lo hrang hrang, vaihlo leh a kaihhnawihte that loh zia inzirtirna ni atan an hman thu a sawi a ni. Dr Jane R. Ralte, State Nodal Officer cum Project Officer, Mizoram State Tobacco Control Society chuan Vaihlo that lohna chi hrang hrang, zirlai naupangte tan a hriat ngei ngei tur leh taksa a chhiatna nasa tak a thlentir theih dan a lem nen chiang takin a sawi fiah a, vaihlo leh a kaihhnawih natna hrang hrangin Mizoram chhung a harsatna tam tak a thlen dan chiang takin a tarlang bawk a ni.             Pu C.Zaihmingthanga, Zotlang, vaihlo hman thin avanga harsatna leh natna tawk tawh pawhin zirlaite hnenah thuchah pawimawh tak tak a sawi a, amah ngei a taka tawngtu leh tuar mektu anih avangin zirlai naupang zawkte chu vaihlo leh a kaihhnawih lak atanga inthiarfihlim tur leh lo ti tan mek te pawh a tlai hma leh an taksa a nghawng tha lo a awm hma ngei a bansan turin a fuih bawk a ni.             Pu R.Lalremruata, Project Coordinator, MSTCS in hun tawpna thu sawiin National Children’s Day – 2013 puala programme hlawhtling tak siam a ni chu lawmawm a tih thu a sawi a, naupang zawkte pual a hun hlu tak seng leh zirtirna nei tha tak tak thu sawi tute mai bakah hmun hrang hranga vaihlo leh a kaihhnawih that loh zia hria a theih tawp a a dona kawnga hma latute chungah lawmthu a sawi bawk a ni.             He hun hi Mizoram State Tobacco Control Society official working partners pawimawh tak tak, Mizo Zirlai Pawl, Mizo Hmeichhe Insuihkhawm Pawl (MHIP) leh Mizoram Journalist Association hruaitute’n hmanpuiin fuihna thu tha tak tak an sawi bawk ani.                                          

Attachments :

  1. pr_2_5284ddf10120d.doc

Anti Tobacco Squad Drive

Hunthar- Company pengah Public Transport bik check niin Public Transport(taxi, MAxi cab, Bus etc) a meizial zu te man an ni. A tlangpui thuin driver te an ni a, passenger pawh an awm nual bawk. An vaiin dan bawhchhia hi mi 16 niin, a hmunah pawisa chawitir a hrem nghal vek an ni. 

Attachments :

  1. pr_3_528cd0edeee0a.jpg
  2. pr_3_528cd0ee05fb0.jpg

Tobacco Quitters of Mizoram

Mizorama a hmasaber atan Vaihlo sim tawh ten Vaihlo do kawngah chak zawka hmalak a nih theih nan, Tobacco Quitters of Mizoram chu din a ni. He pawlah hian Vaihlo sim tawh a duh apiang tel theih a ni ang, vaihlo do kawngah Sorkar leh NGO tha ti chak turin theihtawpa ke pen tum a ni. A hnuai a mi ang hian hruaitu pawh in siam lai lawk a ni. President              :   Upa Saimawia  Maubawk              Vice President       :  Pu Zaihmingthanga  Zotlang                                                   Secretary              :  Pu R Lalhmangaiha Editor Romei  Bawngkawn     Asst Secretary      :  Pu Laltanpuia Aizawl Art Gallery                                     Adviser                 :  Pu Z.T.Vawra Hmar Upper Republic

© Mizoram State Tobacco Control Society, Mizoram

This website belongs to the Mizoram State Tobacco Control Society, Mizoram, India. | Template by ICT

Click to start chatting.