MIZORAM SMOKE FREE GROUP COMMITTEE NEIH A NI
Mizoramah Cigarette chhiah tipung dawn
Nimin 30th January, 2014 (Ningani) khan Mizoram Smoke Free Group Meeting, Chief Minister Conference Hall ah neih a ni. He meeting hi Chief Minister, Pu _, Chairman, Mizoram Smoke Free Group in a kai hruai a, Vice Chairman, Pu _, Health Minister bakah Member pawimawh tak tak Minister te , Opposition Party MLA te bakah NGO hruaitu atang te leh Mizoram Kohhran hruaitu hrang hrang te an kal tha hle a ni.
Meeting hian Cigrette a chhiah (VAT) lak chu tihpun nise tih an rel a, a sanna zat tur chu Taxation Department in lo ngaihtuah se an ti a ni. Tunah hian Mizoramah Cigrette atangin chhiah 13.5% lak mek a ni a, India ram a chhiah lak tamna ber chu 65% a ni a, kan thenawm State Assam ah chuan 25% an la mek a ni.
Myanmar leh Bangladesh nena insumdawn tawnna atana approved list a tel vaihlo leh vaihlo atanga thilsiam chu approved items atanga paih a nih theih nan sawrkar laipui ah rawtna ziaka thlen nise tih an rel bawk.
Tin, COTPA hnuaia Section hrang hrang te chu tunaia khauh zawk a kenkawh a nih theih nan a hmalak zel nise tih an rel bawk.
Meeting hi Mizoram State Tobacco Control Society (MSTCS) in an organise a ni a, an ni hian tun ai a nasa zawk a vaihlo do zel turin hma an la mek a ni.
